Vom 13.-14. Dezember hämmär än Usflug uf Luxemburg gmacht. Vo Frankfurt us isch da mitäm Auto jo nöd ämol 3 Stund entfärnt. Laidär simmär am erstä Tag rächt värschiffät wordä, drum hämmär zersch ämol am Museum in Schengen, wo sAbkommä undärzaichnät wordä isch, än Bsuäch abgstattät. Laidär häts däno nöd ufghört mitäm Rägä. Dä Wiähnachtsmarkt und dAltstadt vo Luxemburg hämmär also mitäm Schirm ärkundät.
Am nöchschtä Tag hät üs denn dSunnä gweckt und mir sind bi blauäm Himmäl zudä Festigä vo Luxemburg marschiert: dKasematten. Diä sind in Fels inägrabä wordä und gönd übär mehräri Etage. Hüt sind sie Tail vom UNESCO Wältkulturerbe. Laidär sind diä im Dezembär nümä zuägänglich und mir händ dKasematten numä vo ussä chönä aluägä.
Noch ganz viel Fötäli us allnä Winkäl vo därä schönä Kulissä, simmär denn nomol dur sStädtli gloffä.
Am Nomittag simmär denn noch Echternach gfahrä und vo döt noch Berdorf ufäm Mullerthaltrail gloffä. Diä Region wird au Petite Suisse Luxembourgeoise gnennt. Mir sind übrigäns bis zum Schluss nöd ganz drus cho wo weli Sproch gredt wird. ZLuxemburg simmär immär mit französisch agsprochä wordä. Sie händ abär jedäs Mol au dütsch chönä. Und dLüt uf dä Strossä händ abär dä luxemburgisch Dialekt gredt. Au dSchildär händ sich vo Ort zu Ort undärschidä. Mängmol ischäs uf französich, mängmol dütsch und mängmol luxemburgisch, mängmol alläs mitänand odär uf jedi möglich Kombination dävo agschribä gsi.
Churz nochdä drü, simmär denn zVianden acho und händ wöllä sSchloss go aluägä. Laidär hät döt am 4i ä Wiähnachtskonzärt stattgfundä und sie händ niämärt meh inäloh ohni Ticket. Äs isch abär au vo ussä mega imposant gsi.
SWuchäend druf sind mi denn sMami und sGotti go bsuächä cho. Au do hämmär wiedär schlächts Wättär gha. Trotzdem simmär bi Wind und Rägä dUni go und dä Tail vo Frankfurt, woni wohn go aluägä. Am Obäd ischäs denn uf Wiesbaden an Stärnschnuppämarkt gangä.
Am Samstig ischäs denn ab uf Manhattan gangä. So nenntmär dä modärn Stadttail vo Frankfurt mit dä Hochhüsär. Däno simmär als Kontrastprogramm dAltstadt mitäm Wiähnachtsmarkt go aluägä, händ denn nochli pöstälät und Glüähwii trunkä und sind denn imänä zimlichä Tempo uf dä Zug. Do ich bis am 11.1.2015 kai Vorläsigä han, bini drum grad mit zrugg id Schwiiz gfahrä.
Guäts Neus!
