Zrugg us Frankfurt

Und scho bini wiedär 2 Wuchä dihai. Di letschtä Paar Wuchä zFrankfurt isch nümä viel passiert, will dPrüäfigä agstandä sind und drum lärnä ufäm Plan gstandä isch. DAndrea hät mi abär no churz vor Prüäfigsstart bsuächt und genau denn isch au dä ainzig Schnee zFrankfurt gfallä und wenigstäns für ai Nacht liggä blibä.

Churz däno hani denn dChance gha, shöchschte Gebäude vo Frankfurt zbsuächä; dä Turm vodä Commerzbank.

Däzwüschäd isch denn do dFasnacht gsi. Dä gross Umzug idä Stadt hani do natürli nöd dörfä värpassä.

Diräkt nochdä letschtä Prüäfig bini dä Palmägartä go aluägä. Mit durchschnittlich 25 Grad idä Gwächshüssär isch da ä schöni Abwächslig gsi zum alltäglichä chaltnassä Wintärwättär.

 Ziit nochdä Prüäfig hani denn no gnutzt zum än letschtä Rundgang dur dStatd zmachä.

Frankfurt häts zum Schluss nomol guät gmaint mitmär und äs isch sogar no äs letschts Mol dSunnä fürä cho, obwohl dä ganz Wintär aigäntli numä grau in grau gsi isch.

Denn isch mi dä Tino nomol cho go bsuächä und mir sind mitänand mitämnä Kaffiabstächär zKonstanz zrugg id Schwiiz gfahrä.